GUMAMIT NG YELO PARA SA TIGYAWAT AT SA PAMAMAGA NITO!

Baka magtanong ka, yelo pampawala ng pimples? Opo, dahil may kakayahan ang yello na pakalmahin ang balat sa sobrang pamumula at pamamaga. Ito rin ay may kakayahang isaayos ang sirkulasyon ng dugo sa apektadong bahagi ng balat. Pinakikipot din ng yelo ang mga butas ng Balat habang inaalis nito ang mga naipong sebo sa loob nito. Pwede kang gumamit ng ice cubes o kaya naman ay dinurog na yelo, depende sa kung ano ang komportable sayo.

Kumuha ng yelo at ibalot ito sa kapirasong tela. Ipating ito sa balat na may namamagang tagyawat sa loob ng ilang sandali. Pagkatapos ay maghintay ng ilang minuto at ulitin ang pamamaraan hanggang sa maibsan ang pamamaga.

Yelo para pang sara ng mga open pores

PANNO GAGAWIN?

§  Kumuha ng yelo at ipunas ito sa mukha.

§  20 minutes, ibabad ang yelo sa mukha .. bago banlawan.

PAALALA: Gawin ito araw araw bago matulog.  

BAWANG PWEDE BANG GAMITIN PARA SA TIGYAWAT?

Siguro kayo ay nagtataka? maaari nga bang makatulong ang bawang sa pag-aalis ng mga tigyawat?

Magandang araw isa nanamang napaka pagod at stress na araw ang nagdaan, kaya't ang mga tigyawat ay mo ay nagsisismula nanamang dumami. Narito ang isang natural na pamamaraan upang na tiyak ay makakatulong upang mabawasan ang iyong problema sa iyong mga tigyawat.

BAWANG

Bawang! Tama bawang nga! Ang madals ay ginagamit upang pampalasa at pambango sa mga lutuin ay maaari rin palang gamitin upang matanggal ang mga tigyawat na sanhi ng iyong stress. Hindi tayo maggigisa hah! HAHAHA kahit na parang frying pan na yang mukha dahil sa sobrang sebo.

Opo, bukod sa gamit ng bawang sa kusina, ito ay may antiviral, antibacterial, antifungal at anti-oxidant properties din na nakatutulong na mawala agad ang pimples. Ang sulfur o asupre na nasa bawang ang siyang dahilan kung bakit nakagagamot ito ng iba’t ibang mga sakit sa balat kasama na ang pimples.

Paano Gamitin?

Hatiin ang isang piraso ng bawang sa dalawa. Ikuskos ang bawang sa pimples at hayan ng limang minuto bago hugasan ng maligamgam na tubig. Ulitin ng ilang beses sa isang araw.

Maari ring gamitin ito na facial paste durugin lamng at lagay sa mukha, katamtaman lamng dahil maaring masunog ang iyong balat. At pagkatapos ng ilang araw itoy magbabalat parang instant home made facial peeler.

PAALAA! 

Huwag ibabad ng masyadong matagal ang bawang sa mukha dahil maaari itong mgdulot ng pagkasunog ng balat at pagka-irita, baka lalo lang nitong palalain ang sitwasyon ng iyong tigyawat. Kapag nakaramdam na parang mainit na parang napapaso o mahapdi ay agad na banlawan.

Ang pagkain ng isang piraso ng bawang araw araw ay makatutulong din na linisin ang iyong dugo. Pero tandaan na masama naman ang sobrang pagkain ng hilaw na bawang dahil pwede nitong sugatan ang iyong sikmura.

Sa aking sariling experience naman, dahil sa sobrang pag-aalala ko noon dahil sobra naman talaga ang dami ng tigyawat ko kaya pati ito (BAWANG) ay na subukan ko. Sa totoo lang parang hindi siya naging mabisa sa akin, kasi noong ginamit ko ito parang lumala lalo. At mahapdi siya sa balat kaya saglit pa lamang ay binabanlawan kona, mga tatlong beses ko siyang na try na gamitin ipinahid ko siya sa mukha ko tapos makalipas ang ilang araw nagbalat siya pero hindi siya sabay sabay kaya pangit. At saka maamoy talag siya sa mukha amoy na amoy kahit na nag sabon kana kaya tiis talaga.

Siguro hindi talaga siya angkop para sa aking balat. Pero may mga pag-aaral naman na nagpapatunay na maari talaga itong gamitin para sa tigyawat. Nasa sanayan lamang siguro.

Yan muna para sa araw na ito!😅😁😂

"Ugaliing maghilamos ng mukha ng isa o dalawang beses sa isang araw. At Maging malinis sa pangangatawan upang maiwasan ang pagkakaroon ng tigyawat"

TOOTHPASTE PARA SA TIGYAWAT?

MAGANDANG ARAW! KUNG ANG ILANG PRODUKTO NA AKING BINAHAGI AY HINDI PARIN EPEKTIBO SA PAG-ALIS NG IYONG MGA TIGYAWAT. AY MAAARI MO RING AT GAMITIN ANG SUSUNOD NA PRODUKTO NA AKING IBABAHAGI.

TOOTHPASTE!
Karaniwang ginagamit upang linisin ang ating mga ngipin, pampaputi at nagpapanatili ng mabangong hinginga sa ating bibig. Ngunit sinong magsasabi na maari rin itong gamitin upang ang mga tigyawat ay maalis sa iyong mukha. Narito ang ilang mga bagay upang iyong malamn kung papaano ito gamitin.

Ang toothpaste na ginagamit mo tuwing umaga para linisin ang ngipin mo ay pwede rin palang gamitin panggamot sa pimples. Ito ay napakaepektibong gamitin bilang sunod sa paggamit ng yelo. Sa paggamit ng toothpaste panggamot sa tigyawat, piliin mo yung puting toothpaste hindi yung parang gel.

PAANO ITO GAMITIN?

• Maglagay ng putting toothpaste sa apektadong bahagi ng balat bago matulog sa gabi.
• Sa umaga, banlawan mo ng maayos ang bahagi na pinaglagyan mo ng toothpaste. Makikita mo ng malaking pagbabago sa pamamaga at pamumula ng pimples mo.

Kung gusto mo, pwede mong ulitin ang prosesong ito sa umaga. Siguraduhin mo lamang na ang toothpaste ay hindi mahuhulog mula sa mukha mo ng hindi bababa ng kalahating oras.

Ang aking experience sa paggamit ng toothpaste, hmmm sa totoo lang isang beses ko lamang itong nasubukang gamitin. Maiinit siya sa mukha na parang nasusunog kaya nasa 15 minuto palang ay binanlawan ko na ang aking mukha. Siguro hindi lang siya nararapat sa balat ko. Ganun pa man ayon naman sa ilang mga eksperto at mga pagsisiyasat ay nakatutulong namn talaga ito upang matanggal ang tigyawat nasa sanayan at hiyang lamang siguro😉😆😏

"Iwasan ang pag-hawak sa mukha, upang maiwasan rin na magkaroon ng mga bacteria sa mukha na siyang nagdudulot minsan ng pagkakaroon ng tigyawat, mas makabubuti na gumamit ng malinis na tela para pamunas sa mukha hindi ang kamay"

POND'S ACNE CLEAR FACIAL FOAM

Sobrang stress kana ba sa pag-aaral mo? Dahil sa sobrang dami ng mga school works mo andiyan ang mga reports, quiz, exam at ibp. Dahil sa sobrang stress at puyat mo lumalabas ang mga tigyawat mo. Na isa pa sa prinoproblema mo dahil sobrang pinapababa nito ang kumpyansa mo. Narito ang isang produkto na makakatulong upang ang iyong tigyawat ay mawala.

POND'S ACNE CLEAR- FACIAL FOAM

Ang POND'S ACNE CLEAR FACIAL TONER ay may sangkap ng aktibong Thymo-T Essence. At linalabanan nito ang 99.9% ng bakterya na nagdudulot ng tigyawat na gumagana sa loob ng 3 araw. Ito rinay may sangkap na salisylic acid na siyang tumutulong upang mabawasan at matanggal ang mga tigyawat.

Narito ang buong detalye ng mga sangkap nito:

• Myristic Acid, Glycerin, Water, Propylene Glycol , Potassium Hydroxide , Stearic Acid, Lauric Acid, Glycol Distearate, Decyl Glucoside , Glyceryl Stearate, Perfume, Terpineol, DMDM Hydantoin, Salicylic Acid, Thymol, Polyquaternium-7, Disodium EDTA, Butylene Glycol, Niacinamide, Iodopropynyl Butylcarbamate, Sodium Benzoate

Paraan ng paggamit:

• Basahin ang mukha.
• Kumuha ng katamtamang dami, ilagay sa palad.
• Ilagay sa mukha at imasahe ng mabuti. Pagkatapos ay banlawan ng mabuti.

First time ko lamang na gumamit ng produktong ito, ngunit ako ay nasiyahan na sapagkat sa tuloy tuloy na paggamit ko dito ay natutuyo ang mga tigyawat pagkatapos ay naalis na parang mga white heads. Nakalatulong din ito upang mabawasan ang pag;abas ng sebo ng iyong mukha. Sabi nga patalastas ng produktong ito, ito'y gumagana sa loob ng tatlong araw. Ang produktong ito ay isa sa mga masasabi ko na aking nagustuhan.

Ito ay produkto ng Unilever. Ang lalagyang ito ay tumitimbang ng 50g na maaari ng gamitin sa loob ng 1-2 linggo depende saiyong paggamit.

Ano pa ang hinintay mo stress kana ba? Okay kapa ba sa mga tigyawat mo? Bili kana nito meron nito sa mga grocery at sa mga botika murang mura lamang kung ikukumpara sa ibang mga produkto ang 50g nito ay nagkakahalaga lamang ng 85pesos. Gamit upang mabawasan naman ang stress mo sa mga tigyawat mo at hindi ka kutyahin at lokohin ng iyong mga kaibigan at kaklase.😊😃😏

"Upang maiwasan ang pagkakaroon ng tigyawat ugaliing maghilamos ng mukha ng dalawa o isang beses sa isang araw. Ugaliin din ang pag-tatanggal ng make-up sa mukha upang maiwasan ang pagkalat ng bacteria na siyang sanhi ng pagkakaroon ng tigyawat."

GEL WASH AT TONER PARA SA TIGYAWAT?

LAB 46 SKIN CARE- ACNE DEFENSE GEL WASH AT ACNE DEFENSE CLARIFYING TONER

PRODUKTO NG LAB 46 SKIN CARE

Ang mga produktong ito ay makatutulong upang maalis ang mga tigyawat. Medyo may kamahalan lamang ang mga  ito ngunit akin namang sinisigurado na ito ay mga epektibo.

Acne Defense Gel Wash

•      Ang produktong ito ay naglalaman ng aktibong sangkap na Benzoyl Peroxide at Clyndamycin formula.
•      Ang Benzoyl Peroxide ay isang uri ng kemikal na ginagamit o hinahalo sa mga produkto upang makatulong sa pag-alis ng mga tigyawat
•      Samantala ang Clyndamcyn naman ay isang antibiotic na maaaring gamitin sa paggamot sa balat o impeksyon sa balat.

Paraan ng Paggamit:

•         Maglagay lamang ng katamtamang pataak sa iyong palad at imasahe sa iyong mukha, partikular sa mga bahaging apektado ng tigyawat.
•      Banlawan ng maigi ang mukha (huwag masyadong diinan ang paghaplos sa mukha upang hindi mairita ang balat)
•      Iwasang mapunta sa mata o inumin.
  

    

Acne Defense Clarifying Toner

•  Ang Toner naman na ito ay nagtataglay ng aktibong sangkap na Salicylic Acid.
• Ang Salycilyc Acid ay ginagamit panggamot sa sakit sa balat gaya ng tigyawat o pamumula ng balat. Maari rin itong gamitin sa paggamot sa warts balakubak at iba pa.

     Paraan ng Paggamit:

• ·   Gamit ang cotton ball ipahid mula sa leeg hanggang sa noo sa pataas na mosyon.
• ·   Gamitin pagkatapos na mahugasan  ang mukha.

      Para sa magandang resulta gamitin ang produktong ito dalawang (2) beses sa isang araw. Una sa umaga at sa gabi bago matulog. Hugasan muna ang mukha gamit ang Gel Wash at pag katapos gamitiin ang Toner.

  Mabibili lamang ito sa clinic ni Dra. Stephanie De Leon. Ewan lang kung may ibang nag bebenta pa, haha!Effective ito promise! Ang isang bote ay naglalaman ng 120 ml  na maari nang magtagal ng hanggang sa 4-5 linggo depende sa iyong paggamit.

  

    Ang mga produktong ito ay Mild lang promise! Noong ginamit ko ito okay lang naman hindi siya mahapdi parang napaka simple lang wala kang mararamdaman na paghapdi sa mukha. Nagustuhan ko ang produktong ito kasi malaki-laki din ang natulong nito sakin haha! totoo man, May kamahalan lang talaga pero hindi mo namn pagsisisihan yung gagastusin mo. Kung gusto niyo bumili PM nalang sasamahan pa kita.😃😉

    "Makatutulong din ang pag-inom ng 8 hanggang 10 baso ng tubig upang mailabas ang mga  masamang bacteria sa katawan na maaaring magdulot ng pagkakaroon ng tigyawat."

Ano nga ba ang tigyawat?

Paano ito mababawasan at maaalis?

Yan ang mga katanungan na maaaring masagot sa aking mga sumusunod na blog. Ngunit bago ko isa-isahin ang mga produktong maaaring makatulong sa pagtanggal ng mga tigyawat. Ang mga produktong ito ay magkahalong Natural ( o mga matatagpuan lamang sa bahay)at mga Produktong nabibili naman sa mga ibat-ibang klase ng Tindahan (Groceries, Drugstores at Clinic). Ang ilan sa mga produktong aking bibigyan ng pag-aanalisa ay aking mismong nagamit(o base mismo sa aking personal na experience).

Ang tagyawat (pimples) ay isang normal na kondisyon ng balat na nakakaapekto sa balat ng maraming tao, lalong lalo na sa mga kabataang nagdadalaga o nag bibinata. Ang pimples ay pamamaga ng balat dahil sa pag kakaroon ng impeksyon sa sebaceous gland o ang glandulang nag kokontrol sa langis na nasa balat.Kapag ang glandulang ito ay nainfect ng bacteria, ito ay mamaga at mapupuno ng nana.

Ang sobrang pagpalabas ng langis ng oil gland ang pangunahing dahilan ng pagkakaroon ng pimples o tagyawat. Ang pimples ay kadalasang tumutubo sa mukha, leeg, likod at balikat. Bagaman ang pagkakaroon ng pimples ay hindi naman isang seryosong sakit, ang pimples ay maaaring ikahiya ng mga mayroon nito lalo na ng mga kabataan.

Base sa aking sariling experience, sobrang nakakababa ng tiwala at lakas ng loob ang biglaang pagkakaroon ng tigyawat. Minsan mas gugustuhin mo nalang na huwag lumabas ng bahay upang huwag mapansin at mapuna ng ibang tao. Madalas ay sobrang maiinis at maguguluhan kana kung paano mo nga ba mababawasan at maaalis ang mga tigyawat na meron ka.

Narito ang ilan sa mga susing kaalaman ukol sa tigyawat.

• Ang tigyawat ay pangkaraniwang problema ng mga teenadyers. May mga adulto ring namomroblema dahil sa pimples.
• Ang tigyawat ay maaaring pagmulan ng matinding pagkasiphayo at kawalan ng tiwala sa sarili lalo na kung ito ay tumutubo sa mukha.
• Ang paggamot sa tigyawat ay paggamot din sa emosyonal o sikolohikal na pinsala na maaaring idulot ng di makontrol na pagdami ng tigyawat.
• Ang mga taong madalas labasan ng tigyawat ay mas posibleng tamaan ng depresyon
• Ang pagkain ng mga pagkaing gawa sa gatas ay nagpapalala sa tigyawat
• Para mabawasan ang posibilidad ng pagkakaroon ng tigyawat, irinerekomenda ang paghilamos ng hindi sosobra sa dalawang ulit araw-araw.
• Ang pagpisa sa pimples ay magpapalala ng problema
• Ang biglaang pagdami ng tigyawat ay maaaring dala ng stress, sobrang pag aalala, paggamit ng makeup at maruming buhok.

Ang pag-babati(Masturbate)  ay nakakaapekto ba sa tigyawat?

-sa aking nabasa ay maari, sapagkat ang mga hormones na nailalabas sa post masturbation ay dahilan upang ang sebaceous glands ay mag produce ng mas maraming oil(sebo o pawis), lalo na sa parte ng mukha. At dahil dito nagkakaroon ng pagbabara  sa pores na nagiging sanhi ng pagdami nito.

Yan muna para sa linggong ito. Sa aking mga sumusunod na blog ay inyo namang malalaman ang mga produktong maaaring makatutulong upang mabawasan at maalis ang mga tigyawat.😉☺